27. sep. 2009

Nýggjir kloakkpumpubrunnar

Tórshavnar Kommuna hevur seinnu árini gjørt nógv fyri at gera áir og vágir reinari. Í hesum sambandi eru gjørdir fleiri kloakkpumpubrunnar í kommununi, soleiðis at kloakkirnar vera førdar í reinsiverk. Í dag eru ikki minni enn seks pumpubrunnar settir í drift. Andrias Berg hevur staðið fyri at gera fýra pumpubrunnar niðri við Rættará og har á leið. Articon hevur staðið fyri at gera tveir pumpubrunnar uppi við Skræddaragøtu í Hoyvík. Allir pumpubrunnar í Tórshavnar Kommunu verða yvirvaktir frá fartelefon og teldu. Install sp/f hevur staðið fyri tí tekniska arbeiðinum í báðum førum. Install hevur eftirhondini staðið fyri tekniska arbeiðinum við fleiri pumpubrunnum og kann sigast at vit eru serfrøðingar í slíkum skipanum.

Fleiri tíðindi